கானலஞ் சிறுகுடிக் கடல்மேம் பரதவர்
நீனிறப் புன்னைக் கொழுநிழ லசைஇத்
தண்பெரும் பரப்பின் ஒண்பதம் நோக்கி
யங்கண் அரில்வலை உணக்குந் துறைவனொ
டலரே, அன்னை யறியின்இவண் உறைவாழ்க்கை
அரிய வாகும் நமக்கெனக் கூறிற்
கொண்டுஞ் செல்வர்கொல் தோழி உமணர்
வெண்கல் உப்பின் கொள்ளை சாற்றிக்
கணநிரை கிளர்க்கும் நெடுநெறிச் சகடம்
மணல்மடுத் துரறும் ஓசை கழனிக்
கருங்கால் வெண்குருகு வெரூஉம்
இருங்கழிச் சேர்ப்பிற்றம் உறைவின் ஊர்க்கே.
பொருள் :
கானல் - கடற்கரைச் சோலை
அம் சிறுகுடி - அழகிய சிறிய ஊரின்
கடல்மேம் பரதவர் - கடல்மேல் செல்லும் பரதவர்
மேம் - மேவும்
நீனிறப் புன்னைக் கொழுநிழல் அசைஇ - நீல நிறப் புன்னைமரத்தின் பெரிய நிழலில் தங்கி
தண்பெரும் பரப்பின் ஒண்பதம் நோக்கி - குளிர்ந்த பெரிய பரந்துபட்ட கடலின், நல்ல காலநிலையை நோக்கி
அம் கண் அரில் வலை - பின்னல்களையுடைய, அழகிய கண்களையுடைய மீன் வலையை
உணக்கும் - உலர்த்தும்
துறைவனொடு - பகுதியைச் சேர்ந்தவனோடு
அலரே - தலைவியின் களவொழுக்கத்தைப் பற்றி ஊரார் புறங்கூறுதல்
அன்னை அறியின் - தலைவியின் தாய் அறிந்தால்
இவண் உறை வாழ்க்கை - இங்கு வாழும் வாழ்க்கை
அரிய ஆகும் நமக்கு எனக் கூறின் - நிலைக்காமல் போய்விடும்
உமணர் - உப்பு வாணிகர்
வெண்கல் உப்பின் - வெண்மையான் கல்லுப்பின்
கொள்ளை - விலை
சாற்றி - கூறி, எடுத்துரைத்து
கணநிரை கிளர்க்கும் - கூட்டத்தைக் கலைத்து
நெடுநெறிச் சகடம் - நீண்ட வழியில் செல்லும் வண்டிகள்
மணல் மடுத்து - மணலில் அமிழ்ந்து
உரறும் ஓசை - பெரிதாகச் சத்தமிடும் ஓசையைக் கேட்டு
கழனிக் கருங்கால் வெண்குருகு வெரூஉம் - வயலில் வாழும் கரிய கால்களையுடைய வெள்ளை நாரைகள் அஞ்சும்.
இருங்கழி - கடலையடுத்த உப்புநீர்ப்பரப்பு
சேர்ப்பின் தம் உறைவின் ஊர்க்கே - அதனை ஒட்டிய தம் உறைவிடமாகிய ஊருக்கு
கொண்டும் செல்வர்கொல் தோழி - நம்மை அழைத்துக் கொண்டு போவாரா? எனத் தோழியிடம் வினவுதல்
இலக்கணக் குறிப்பு :
சிறுகுடி, தண்பெரும்பரப்பு, ஒண்பதம், வெண்கல் - பண்புத்தொகைகள்
அசைஇ - வினையெச்சம், சொல்லிசை அளபெடை
உறைவாழ்க்கை - வினைத்தொகை
நீனிறப் புன்னைக் கொழுநிழ லசைஇத்
தண்பெரும் பரப்பின் ஒண்பதம் நோக்கி
யங்கண் அரில்வலை உணக்குந் துறைவனொ
டலரே, அன்னை யறியின்இவண் உறைவாழ்க்கை
அரிய வாகும் நமக்கெனக் கூறிற்
கொண்டுஞ் செல்வர்கொல் தோழி உமணர்
வெண்கல் உப்பின் கொள்ளை சாற்றிக்
கணநிரை கிளர்க்கும் நெடுநெறிச் சகடம்
மணல்மடுத் துரறும் ஓசை கழனிக்
கருங்கால் வெண்குருகு வெரூஉம்
இருங்கழிச் சேர்ப்பிற்றம் உறைவின் ஊர்க்கே.
பொருள் :
கானல் - கடற்கரைச் சோலை
அம் சிறுகுடி - அழகிய சிறிய ஊரின்
கடல்மேம் பரதவர் - கடல்மேல் செல்லும் பரதவர்
மேம் - மேவும்
நீனிறப் புன்னைக் கொழுநிழல் அசைஇ - நீல நிறப் புன்னைமரத்தின் பெரிய நிழலில் தங்கி
தண்பெரும் பரப்பின் ஒண்பதம் நோக்கி - குளிர்ந்த பெரிய பரந்துபட்ட கடலின், நல்ல காலநிலையை நோக்கி
அம் கண் அரில் வலை - பின்னல்களையுடைய, அழகிய கண்களையுடைய மீன் வலையை
உணக்கும் - உலர்த்தும்
துறைவனொடு - பகுதியைச் சேர்ந்தவனோடு
அலரே - தலைவியின் களவொழுக்கத்தைப் பற்றி ஊரார் புறங்கூறுதல்
அன்னை அறியின் - தலைவியின் தாய் அறிந்தால்
இவண் உறை வாழ்க்கை - இங்கு வாழும் வாழ்க்கை
அரிய ஆகும் நமக்கு எனக் கூறின் - நிலைக்காமல் போய்விடும்
உமணர் - உப்பு வாணிகர்
வெண்கல் உப்பின் - வெண்மையான் கல்லுப்பின்
கொள்ளை - விலை
சாற்றி - கூறி, எடுத்துரைத்து
கணநிரை கிளர்க்கும் - கூட்டத்தைக் கலைத்து
நெடுநெறிச் சகடம் - நீண்ட வழியில் செல்லும் வண்டிகள்
மணல் மடுத்து - மணலில் அமிழ்ந்து
உரறும் ஓசை - பெரிதாகச் சத்தமிடும் ஓசையைக் கேட்டு
கழனிக் கருங்கால் வெண்குருகு வெரூஉம் - வயலில் வாழும் கரிய கால்களையுடைய வெள்ளை நாரைகள் அஞ்சும்.
இருங்கழி - கடலையடுத்த உப்புநீர்ப்பரப்பு
சேர்ப்பின் தம் உறைவின் ஊர்க்கே - அதனை ஒட்டிய தம் உறைவிடமாகிய ஊருக்கு
கொண்டும் செல்வர்கொல் தோழி - நம்மை அழைத்துக் கொண்டு போவாரா? எனத் தோழியிடம் வினவுதல்
இலக்கணக் குறிப்பு :
சிறுகுடி, தண்பெரும்பரப்பு, ஒண்பதம், வெண்கல் - பண்புத்தொகைகள்
அசைஇ - வினையெச்சம், சொல்லிசை அளபெடை
உறைவாழ்க்கை - வினைத்தொகை
